Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَإِذْ قُلْنَا لَكَ إِنَّ رَبَّكَ أَحَاطَ بِٱلنَّاسِ ۚ وَمَا جَعَلْنَا ٱلرُّءْيَا ٱلَّتِىٓ أَرَيْنَـٰكَ إِلَّا فِتْنَةً لِّلنَّاسِ وَٱلشَّجَرَةَ ٱلْمَلْعُونَةَ فِى ٱلْقُرْءَانِ ۚ وَنُخَوِّفُهُمْ فَمَا يَزِيدُهُمْ إِلَّا طُغْيَـٰنًا كَبِيرًا 60
{60} "Na tulipokwambia: Hakika Mola wako Mlezi amekwisha wazunguka hao watu" kwa elimu na uwezo. Hawana kimbilio la kukimbilia kutoka kwake. Na hili linamtosha mwenye akili kuachana na yale anayoyachukia Mwenyezi Mungu ambaye amewazunguka watu. "Na hatukuifanya ndoto tuliyokuonyesha" wengi wa wafasiri wanaona kuwa ni usiku wa Safari ya Al-Isra, "na mti ule uliolaaniwa" ambao ulitajwa "katika Qur-ani" nao ni mti wa Zakumu unaotoka katikati ya Jahim. Maana yake ni kwamba ikiwa mambo haya mawili yamekuwa ni fitna kwa watu, hata makafiri wakawa na ujasiri wa kufanya ukafiri wao na uovu wao ukaongezeka, na baadhi ya wale ambao imani yao ilikuwa dhaifu wakatoka katika imani yao, kwa sababu ya yale aliyowaambia kuhusu mambo yaliyotokea usiku wa Safari ya Al-Isra, na kusafiri kwake usiku kutoka Msikiti Mtukufu hadi Msikiti wa Al-Aqsa, hayakuwa ya kawaida. Na kujulisha kwake pia kwamba kuna mti unaoota katikati ya Moto wa Jahiim kulikuwa jambo lisilo la kawaida. Basi hayo ndiyo yaliyowafanya kukadhibisha. Basi ingekuwaje ikiwa wangeona ishara kubwa kubwa na miujiza mikubwa? Je, hayo si uwezekano mkubwa wa kwamba wataongeza uovu wao kwa sababu yake? Kwa hivyo, Mwenyezi Mungu akawarehemu na akawaondolea hayo. Na kwa sababu ya hili, utajua kwamba kutotaja kwa uwazi katika Qur-ani na Sunnah mambo makubwa yaliyotokea siku zama za mwisho ni bora zaidi. Kwa sababu mambo ambayo watu hawajawahi kushuhudia mfano wake huenda yasikubaliwe na akili zao, [kama wangeambiwa hayo kabla ya kutokea kwake], na yakatia shaka katika nyoyo za baadhi ya waumini na kizuizi kinachozuia yule ambaye hajaingia katika Uislamu na kumfanya kujitenga mbali na Uislamu. Badala yake, Mwenyezi Mungu alitaja maneno ya jumla yenye kujumuisha kila kitu kitakachokuwepo. Na Mwenyezi Mungu ndiye ajuaye zaidi. "Na tunawahofisha" kwa ishara mbalimbali "lakini haiwazidishii" hiyo hofu "isipokuwa uasi mkubwa." Na hali hii ndiyo mbaya zaidi ya kufanya uovu na kuupenda, na kuichukia heri na kutoifuata.