At-Tawba
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
كَٱلَّذِينَ مِن قَبْلِكُمْ كَانُوٓا۟ أَشَدَّ مِنكُمْ قُوَّةً وَأَكْثَرَ أَمْوَٰلًا وَأَوْلَـٰدًا فَٱسْتَمْتَعُوا۟ بِخَلَـٰقِهِمْ فَٱسْتَمْتَعْتُم بِخَلَـٰقِكُمْ كَمَا ٱسْتَمْتَعَ ٱلَّذِينَ مِن قَبْلِكُم بِخَلَـٰقِهِمْ وَخُضْتُمْ كَٱلَّذِى خَاضُوٓا۟ ۚ أُو۟لَـٰٓئِكَ حَبِطَتْ أَعْمَـٰلُهُمْ فِى ٱلدُّنْيَا وَٱلْـَٔاخِرَةِ ۖ وَأُو۟لَـٰٓئِكَ هُمُ ٱلْخَـٰسِرُونَ 69 أَلَمْ يَأْتِهِمْ نَبَأُ ٱلَّذِينَ مِن قَبْلِهِمْ قَوْمِ نُوحٍ وَعَادٍ وَثَمُودَ وَقَوْمِ إِبْرَٰهِيمَ وَأَصْحَـٰبِ مَدْيَنَ وَٱلْمُؤْتَفِكَـٰتِ ۚ أَتَتْهُمْ رُسُلُهُم بِٱلْبَيِّنَـٰتِ ۖ فَمَا كَانَ ٱللَّهُ لِيَظْلِمَهُمْ وَلَـٰكِن كَانُوٓا۟ أَنفُسَهُمْ يَظْلِمُونَ 70
{69 - 70} Yeye Mtukufu anasema akiwatahadharisha wanafiki yasije yakawapata yale yaliyowapata umma waliokadhibisha kabla yao, “Kaumu ya Nuhu, na A'di, na Thamudi, na kaumu ya Ibrahim, na watu wa Madyana, na miji iliyopinduliwa chini juu?” Yaani, vijiji vya kaumu ya Lut. Kwani, wote “walijiwa na Mitume wao kwa hoja zilizo wazi.” Yaani, kwa haki iliyo wazi, ya peupe, yenye kubainisha hakika za mambo, lakini wakazikadhibisha, na yale aliyotuhadithia Mwenyezi Mungu yakawafikia. Basi nyinyi matendo yenu yanafanana na matendo yao. "Mmestareheka kwa fungu lenu;" yaani, fungu lenu katika dunia hii, basi mkalichukua kwa raha na matamanio, mkayapa mgongo yale yaliyokusudiwa kwalo, na mkajisaidia kwalo kumuasi Mwenyezi Mungu, wala azimio lenu na utashi wenu haukuzidi neema mlizopewa kama walivyofanya wale waliotangulia kabla yenu. “Na nyinyi mkazama katika maovu kama wao walivyozama;” yaani, mlizama katika batili na uongo na mkabishana kwa batili ili muiangushe kwayo haki. Haya basi ndiyo matendo yao na elimu zao: kufurahia kwa fungu lao na kuzama katika batili. Kwa hivyo walistahiki adhabu na maangamizo kama walivyostahiki wale waliokuwa kabla yenu miongoni mwa wale waliofanya kama kitendo chenu. Na ama Waumini, hata wakistareheka kwa fungu lao na kile walichopewa katika dunia hii, basi hayo ni kwa namna ya kutafuta msaada kwayo juu ya kumtii Mwenyezi Mungu. Na elimu zao, hizo ni elimu za Mitume. Nazo ni kufikia yakini katika matashi yote ya juu zaidi, na kujadiliana kwa haki ili kuivunja batili. Kauli yake, “Basi Mwenyezi Mungu hakuwa mwenye kuwadhulumu” alipowafikishia adhabu yake namna alivyowafikishia. “lakini wao walikuwa wakijidhulumu wenyewe,” wa kuwa waliyafanyia ujasiri maasia yake, na wakawaasi Mitume wao, na wakafuata amri ya kila jabari mkaidi.