Al-Anfaal
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَأَعِدُّوا۟ لَهُم مَّا ٱسْتَطَعْتُم مِّن قُوَّةٍ وَمِن رِّبَاطِ ٱلْخَيْلِ تُرْهِبُونَ بِهِۦ عَدُوَّ ٱللَّهِ وَعَدُوَّكُمْ وَءَاخَرِينَ مِن دُونِهِمْ لَا تَعْلَمُونَهُمُ ٱللَّهُ يَعْلَمُهُمْ ۚ وَمَا تُنفِقُوا۟ مِن شَىْءٍ فِى سَبِيلِ ٱللَّهِ يُوَفَّ إِلَيْكُمْ وَأَنتُمْ لَا تُظْلَمُونَ 60
{60} Yaani, "Na waandalieni" maadui zenu makafiri wanaowania katika kuwaangamiza na kuibatilisha dini yenu, "muwezavyo katika nguvu." Yaani, kila mnachoweza kama vile nguvu za kiakili na kimwili, na aina mbalimbali za silaha na mfano wa hayo miongoni mwa yenye kusaidia katika kupigana nao vita. Basi ikaingia katika hilo aina mbalimbali za viwanda ambazo ndani yake hutengenezwa aina mbalimbali za silaha na ala mbalimbali kama vile mizinga, na bunduki kubwa na bunduki ndogo, na ndege, na vipando vya nchi kavu na baharini [na ngome], na majumba, na mitaro, na ala za ulinzi, na maoni. Na siasa ambazo Waislamu wanaenedelea mbele na unazuilika kwa hayo uovu wa maadui zao; na kujifunza kupiga risasi au mishale, na ujasiri, na uendeshaji mambo. Na ndiyo maana Nabii akasema: Tazameni! Hakika Nguvu ni kutupa. Na katika hilo ni kujitayarisha na vipando vinavyohitajika wakati wa kupigana vita, na ndiyo maana yeye Mtukufu akasema: "Na kwa farasi waliofungwa tayari tayari, ili muwatishe kwavyo maadui wa Mwenyezi Mungu na maadui zenu." Na sababu hii ilipatikana ndani yake katika wakati huo. Nayo ni kuwahofisha maadui. Na hukumu huzunguka pamoja na sababu yake. Kwa hivyo, kitu kingine kitakuwepo chenye kuhofisha zaidi, kama vile magari ya kwenye nchi kavu, na ya kwenye hewa yaliyoandaliwa kwa ajili ya kupigana vita, ambayo ushindi kwacho utakuwa mkubwa zaidi, basi kinakuwa kimeamrishwa. Kwamba wajiandae kwacho, na kuwania kukipata, kiasi kwamba ikiwa hakiwezi kupatikana isipokuwa kwa kujifunza kukitengeneza, basi inakuwa lazima kufanya hivyo. Kwa sababu kile ambacho wajibu haitimii isipokuwa kwacho, basi hilo ni wajibu. Na kauli yake, "ili muwatie hofu kwavyo maadui wa Mwenyezi Mungu na maadui zenu” ni katika wale mnaowajua kuwa ni maadui zenu. “Na wengineo kando na hao ambao hamuwajui” miongoni mwa wale ambao watapigana nanyi baada ya wakati huu ambao Mwenyezi Mungu anawaongelesha ndani yake. “Lakini Mwenyezi Mungu anawajua.” Na ndiyo maana akawaamuru wajitayarishe kwa ajili yao. Na katika makubwa zaidi yanayosaidia kupigana nao vita ni kutoa mali kwa wingi katika kupambana na makafiri. Na ndiyo maana yeye Mtukufu akasema akihimiza katika hilo: "Na mnachotoa chochote katika Njia ya Mwenyezi Mungu” kiwe kichache au kingi, "mtarudishiwa kikamilifu" malipo yake Siku ya Qiyama yakiwa yameongezwa mara nyingi hadi mizidisho mia saba hadi mizidisho mingi. "Nanyi hamtadhulumiwa ." Yaani, hamtapunguziwa kitu katika malipo yake na thawabu zake.