Al-Anfaal
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
إِذْ يَقُولُ ٱلْمُنَـٰفِقُونَ وَٱلَّذِينَ فِى قُلُوبِهِم مَّرَضٌ غَرَّ هَـٰٓؤُلَآءِ دِينُهُمْ ۗ وَمَن يَتَوَكَّلْ عَلَى ٱللَّهِ فَإِنَّ ٱللَّهَ عَزِيزٌ حَكِيمٌ 49
{49} "Waliposema wanafiki, na wale wenye ugonjwa katika nyoyo zao;" yaani, shaka na fikira potofu miongoni mwa wenye imani dhaifu wakiwaambia Waumini wakati walipokwenda pamoja na uchache wao kupigana na washirikina pamoja na wingi wao. “Watu hawa dini yao imewadanganya." Yaani, dini ambayo wako juu yake imewafikisha mahali hapa ambapo hawawezi kufanya kitu chochote wala hawana uwezo wowote kwayo. Waliyasema kwa kuwadharau na kupuuza akili zao, ilhali wao - ninaapa kwa Mwenyezi Mungu - ndio wenye akili hafifu zaidi, wadhaifu wa akili. Kwani Imani inamlazimu mwenyewe kuyaendea mambo makubwa ambayo majeshi makubwa hayayaendei. Kwa maana, Muumini anayemtegemea Mwenyezi Mungu ambaye anajua kuwa hakuna hila, wala nguvu, wala uwezo kwa yeyote isipokuwa Mwenyezi Mungu Mtukufu, na kwamba viumbe vyote lau kuwa vitakusanyika ili kumnufaisha mtu kwa uzito wa chembe, basi hawatamnufaisha. Na lau kuwa watakusanyika kumdhuru, basi hawatamdhuru, isipokuwa kwa kitu ambacho Mwenyezi Mungu alikwisha mwandikia na akajua kwamba hiyo ndiyo haki, na kwamba Mwenyezi Mungu Mtukufu ni Mwenye hekima kubwa, Mwenye kurehemu sana katika yote aliyopitisha na akayatendesha. Basi yeye hajali yale anayoyaendea hata yakiwa ni ya nguvu na mengi, na anakuwa mwenye kumuamini Mola wake Mlezi, mwenye moyo uliotulizana, sio mwenye hofu wala mwoga. Na ndiyo maana akasema, "Na mwenye kumtegemea Mwenyezi Mungu, basi hakika Mwenyezi Mungu ni Mwenye nguvu.” Nguvu zake hazishindwi na nguvu zozote zile. "Mwenye hekima kubwa" katika yale aliyoyapitisha na kuyatendesha.