Al-An'aam
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَإِذَا جَآءَكَ ٱلَّذِينَ يُؤْمِنُونَ بِـَٔايَـٰتِنَا فَقُلْ سَلَـٰمٌ عَلَيْكُمْ ۖ كَتَبَ رَبُّكُمْ عَلَىٰ نَفْسِهِ ٱلرَّحْمَةَ ۖ أَنَّهُۥ مَنْ عَمِلَ مِنكُمْ سُوٓءًۢا بِجَهَـٰلَةٍ ثُمَّ تَابَ مِنۢ بَعْدِهِۦ وَأَصْلَحَ فَأَنَّهُۥ غَفُورٌ رَّحِيمٌ 54
{54} Na Mwenyezi Mungu alipomkataza Mtume wake kuwafukuza Waumini watiifu, Akamuamrisha kuamiliana nao kwa ukarimu, na taadhima, na utukufu, na heshima. Kwa hivyo akasema: "Na wanapokujia wanaoziamini Ishara zetu waambie: Assalamu alaikum! (Amani iwe juu yenu!)" Yaani, na Waumini wanapokujia, basi wasalimie, na wapokee, na wape maakizi kutoka kwako na amani, na wape bishara ya yale yatakayoamsha azima yao na hima zao miongoni mwa rehema ya Mwenyezi Mungu na ukarimu wake mwingi na ihsani yake. Na wahimize juu ya kufuata kila sababu na njia inayofikisha katika hayo, na wahofishe dhidi ya kudumu katika madhambi. Na waamrishe watubie madhambi ili wapate kufutiwa dhambi na Mola wao Mlezi na ukarimu wake mwingi. Na ndiyo maana akasema, "Mola wenu Mlezi amejilazimisha rehema, ya kwamba atakayefanya uovu miongoni mwenu kwa ujinga, kisha akatubu baada yake na akatengenea. Yaani, hapana budi pamoja na kuacha madhambi, na kujiepusha nayo na kuyajutia, kurekebisha matendo na kutekeleza yale ambayo mwenyezi Mungu aliyowajibisha, na kurekebisha yale ambayo yaliharibika katika matendo ya dhahiri na yale yaliyofichika. Na ikiwa yote haya yatapatikana, basi "hakika Yeye ni Mwenye kufuta dhambi, Mwenye kurehemu"; Yaani, Atawamiminia katika kufuta dhambi kwake, na rehema yake kulingana na yale waliyoyatenda miongoni mwa yale aliyowaamrisha.