Al-An'aam
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
ثُمَّ ءَاتَيْنَا مُوسَى ٱلْكِتَـٰبَ تَمَامًا عَلَى ٱلَّذِىٓ أَحْسَنَ وَتَفْصِيلًا لِّكُلِّ شَىْءٍ وَهُدًى وَرَحْمَةً لَّعَلَّهُم بِلِقَآءِ رَبِّهِمْ يُؤْمِنُونَ 154
{154} Neno "Tena" katika nafasi hii, halikukusudiwa mpangilio wa matukio. Kwa maana zama za Musa, amani zimshukie, zilitangulia kusoma kwa Mtume Muhammad - rehema na amani ziwe juu yake - kitabu hiki. Na kilichokusudiwa ni mpangilio wa kutoa habari. Kwa hivyo, akajulisha kwamba alimpa "Musa Kitabu" ambacho ni Taurati "kwa kumtimizia" neema yake na ukamilifu wa ihsani yake, kwa "yule aliyefanya uzuri" katika umma wa Musa. Kwa maana, Mwenyezi Mungu aliwaneemesha wale wafanyao mazuri miongoni mwao kwa neema zisizodhibitika, ambazo miongoni mwake na utimilifu wake ni kuteremsha Taurati kwao. Basi ikatimia neema ya Mwenyezi Mungu juu yao, na ikawalazimu kuishukuru. "Na kuwa ni maelezo kina ya kila kitu" wanachohitaji kibainishwe, cha halali na haramu, na amri na makatazo, na itikadi na mfano wake, "na uwongofu na rehema." Yaani, inawaongoa kwenye heri, na inawajulisha shari katika misingi ya dini na matawi yake, "na rehema" ambayo kwayo wanapata furaha, na rehema, na heri nyingi; "ili" kwa sababu ya kukiteremsha kwetu Kitabu na hoja zilizo wazi kwao "waamini katika kukutana na Mola wao Mlezi." Kwani inajumuisha ushahidi mbalimbali wa uhakika juu ya kufufuliwa na malipo kwa matendo, [ambayo] yanawafanya kuamini katika kukutana na Mola wao Mlezi na kujiandaa kwa ajili ya hilo.