Al-Hujuraat
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
يَـٰٓأَيُّهَا ٱلَّذِينَ ءَامَنُوا۟ ٱجْتَنِبُوا۟ كَثِيرًا مِّنَ ٱلظَّنِّ إِنَّ بَعْضَ ٱلظَّنِّ إِثْمٌ ۖ وَلَا تَجَسَّسُوا۟ وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَٱتَّقُوا۟ ٱللَّهَ ۚ إِنَّ ٱللَّهَ تَوَّابٌ رَّحِيمٌ 12
{12} Mwenyezi Mungu amekataza dhana nyingi mbaya juu ya Waumini, "kwani baadhi ya dhana ni dhambi." Hii ni kama vile dhana isiyo na uhakika wala ushahidi, na kama dhana mbaya inayohusishwa na maneno na vitendo vingi vilivyoharamishwa. Kwani kusalia kwa dhana mbaya moyoni hakubakii hivyo tu kwa mwenye dhana hiyo, bali inaendelea dhana hiyo kuwa pamoja naye mpaka aseme yasiyofaa na kufanya yasiyofaa, na katika hili pia kuna kumdhania vibaya Muislamu, kumchukia na kumfanyia uadui, mambo ambayo imeamrishwa kufanya kinyume nayo. "Wala msipelelezane." Yaani, msipekue dosari za Waislamu, wala msiyafuate, na muwacheni Muislamu jinsi alivyo, na puuzeni dosari zake, ambazo zikipekuliwa, yatadhihirika kutoka kwazo yasiyofaa. "Wala msisengenyane nyinyi kwa nyinyi," kama alivyosema Mtume - rehema na amani za Mwenyezi Mungu ziwe juu yake: “Ni wewe kumtaja ndugu yako kwa asiyoyapenda, hata kama yako ndani yake.” Kisha akataja mfano wa kuchukiza wa kusengenya, akasema: "Je, yupo katika nyinyi anayependa kuila nyama ya nduguye aliyekufa? Mnalichukia hilo!" Amefananisha kula nyama ya maiti yake ambayo ni chukizo kubwa kwa nafsi na suala la kumsengenya. Basi kama vile unavyochukia kula nyama yake, haswa ikiwa amekufa na amepoteza roho yake, kadhalika chukieni kumsengenya na kula nyama yake hali ya kuwa yu hai. "Na mcheni Mwenyezi Mungu. Hakika Mwenyezi Mungu ni Mwenye kupokea toba mno, Mwingi wa kurehemu" kwa sababu alikubali toba ya waja wake, na akawarehemu wake kwani aliwaita kwenye yale yatakayowanufaisha. Katika aya hii kuna ushahidi wa onyo kali dhidi ya kusengenya, na kwamba ni miongoni mwa madhambi makubwa. Kwa sababu Mwenyezi Mungu alifananisha hilo na kula nyama ya mtu aliyekufa, na hilo ni katika madhambi makubwa.