Faatir
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
ٱلْحَمْدُ لِلَّهِ فَاطِرِ ٱلسَّمَـٰوَٰتِ وَٱلْأَرْضِ جَاعِلِ ٱلْمَلَـٰٓئِكَةِ رُسُلًا أُو۟لِىٓ أَجْنِحَةٍ مَّثْنَىٰ وَثُلَـٰثَ وَرُبَـٰعَ ۚ يَزِيدُ فِى ٱلْخَلْقِ مَا يَشَآءُ ۚ إِنَّ ٱللَّهَ عَلَىٰ كُلِّ شَىْءٍ قَدِيرٌ 1
{1} "Mwenyezi Mungu" Mtukufu anaisifu nafsi yake tukufu na takatifu kwa kuumba mbingu na ardhi na viumbe vilivyomo; kwa sababu huu ni ushahidi wa ukamilifu wa uwezo wake, upana wa ufalme wake, ujumla wa rehema yake, ukubwa wa hekima yake, na elimu yake yenye kudhibiti kila kitu. Alipotaja uumbaji, akataja baada yake mambo yaliyomo katika uumbaji huo. Na hilo ni kwamba amewafanya "kuwa wajumbe" katika kuendesha maamrisho yake ya kimajaliwa, na wapatanishi baina yake na viumbe vyake katika kufikisha amri zake za kidini. Na alipotaja kwamba aliwafanya Malaika kuwa ni wajumbe, na hakumtenga yeyote miongoni mwao nje ya hili, ukawa ushahidi juu ya utiifu wao kamili kwa Mola wao Mlezi, na kufuata kwao amri zake. Kama alivyosema Mwenyezi Mungu Mtukufu, "hawamuasi Mwenyezi Mungu kwa anayowaamrisha, na wanatenda wanayoamrishwa." Na kwa kuwa Malaika husimamia mambo ambayo Mwenyezi Mungu aliwapa kusimamia kwa idhini yake, alitaja nguvu zao katika kufanya hivyo na kasi yao kubwa katika harakati zao kwa kuwafanya wawe "wenye mbawa" ambazo wanaweza kuruka kwazo na kuharakisha kutekeleza waliyoamrishwa, "mbili mbili, na tatu tatu, na nne nne" kulingana na ilivyohitaji hekima yake. "Huzidisha katika kuumba apendavyo" katika namna ya kuviumba, katika nguvu, katika uzuri, katika kuongezewa viungo vya kawaida, na katika uzuri wa sauti. "Hakika Mwenyezi Mungu ni Muweza juu ya kila kitu." Uweza wake, Mola Mtukufu, unatekelezeka kwa kila alitakalo, na hakuna lisilowezekana kwake, na katika hilo ni kuwaongeza viumbe vyake vingine zaidi ya vingine.