Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَإِذَا طَلَّقْتُمُ ٱلنِّسَآءَ فَبَلَغْنَ أَجَلَهُنَّ فَلَا تَعْضُلُوهُنَّ أَن يَنكِحْنَ أَزْوَٰجَهُنَّ إِذَا تَرَٰضَوْا۟ بَيْنَهُم بِٱلْمَعْرُوفِ ۗ ذَٰلِكَ يُوعَظُ بِهِۦ مَن كَانَ مِنكُمْ يُؤْمِنُ بِٱللَّهِ وَٱلْيَوْمِ ٱلْـَٔاخِرِ ۗ ذَٰلِكُمْ أَزْكَىٰ لَكُمْ وَأَطْهَرُ ۗ وَٱللَّهُ يَعْلَمُ وَأَنتُمْ لَا تَعْلَمُونَ 232
{232} Haya ni maneno kwa wasimamizi wa mwanamke aliyetalikiwa talaka chini ya tatu. Anapotoka katika eda na akataka kwamba mumewe amuoe, na (mwanamke) akaridhia hilo, basi hairuhusiwi kwa msimamizi wake kama vile baba na wengineo kumzuia kumuoa kwa sababu ya kuwa na hasira kubwa naye; na kuchukizwa na alichokifanya cha ile talaka ya kwanza. Na akataja kwamba anayemwamini Mwenyezi Mungu na Siku ya Mwisho, imani yake humzuia na hilo. Na hayo, "ni bora zaidi kwenu na safi kabisa" na nzuri zaidi kuliko vile anavyodhania msimamizi huyu. Kwamba kutomwozesha huyu mwanamume ndiyo rai iliyo sawa na inayofaa, na kwamba akabiliwe kwa ile talaka yake ya kwanza kwa kutomwozesha, kama ilivyo ada ya wenye starehe, wenye kutakabari. Na ikiwa anadhania kuwa masilahi yako katika kutomwozesha, basi Mwenyezi Mungu "anajua, na nyinyi hamjui". Kwa hivyo, fuateni amri ya yule anayeyajua masilahi yenu, anayeyataka, mwenye uwezo juu yake, na anayeyarahisisha kwa kwa njia ambazo mnazijua, na nyinginezo (msizojua). Katika Aya hii kuna dalili ya kuwa ni lazima kuwepo msimamizi katika nikaha. Kwa sababu aliwakataza wasimamizi kuzuia, na wala hawakatazi isipokuwa jambo ambalo lipo chini ya uendeshaji wao ambalo wana haki ndani yake. Kisha yeye Mtukufu akasema: