Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَيَسْـَٔلُونَكَ عَنِ ٱلْمَحِيضِ ۖ قُلْ هُوَ أَذًى فَٱعْتَزِلُوا۟ ٱلنِّسَآءَ فِى ٱلْمَحِيضِ ۖ وَلَا تَقْرَبُوهُنَّ حَتَّىٰ يَطْهُرْنَ ۖ فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ ٱللَّهُ ۚ إِنَّ ٱللَّهَ يُحِبُّ ٱلتَّوَّٰبِينَ وَيُحِبُّ ٱلْمُتَطَهِّرِينَ 222
{222} Mola Mtukufu anajulisha kuhusu swali lao kuhusu hedhi. Na je mwanamke hubaki katika hali yake baada ya hedhi, kama alivyokuwa kabla ya hilo, au anaepukwa kabisa, kama wanavyofanya Mayahudi? Basi Mola Mtukufu akajulisha kuwa hedhi ni madhara, na ikiwa ni madhara, basi katika hekima ni kwamba Mwenyezi Mungu Mtukufu awazuie waja wake kutokana na madhara peke yake. Na kwa sababu ya hili akasema: “Basi jitengeni na wanawake wakati wa hedhi” yani sehemu ya hedhi, ambayo ni kujamiiana katika tupu ya uke hasa. Na hilo ndilo lililoharamishwa kwa Ijmaa (makubaliano ya wanachuoni). Na kufanya kujitenga nao kuhusiana na kujamiiana tu, kunaashiria kwamba inaruhusiwa kumwendea mwanamke aliye katika hedhi na kumpapasa bila ya kujamiiana naye katika uke. Lakini kauli yake, “wala msiwakaribie mpaka wawe safi.” Inaashiria kuwa kupapasa kilicho karibu na uke yani kilicho baina ya kitovu na goti kinapaswa kuachwa. Kama Nabii rehema na amani za Mwenyezi Mungu ziwe juu yake alivyokuwa akitaka kumpapasa mke wake hali ya kuwa yuko katika hedhi, alikuwa akimwamrisha afunge leso, kisha anampapasa. Na muda wa huku kujitenga na kuacha kuwa karibu na mke aliye katika hedhi ni, “mpaka asafike” yani damu yake ikatike. Na damu ikikatika, katazo lililokuwepo wakati wa kutoka kwake hukoma, ambalo lilikuwa na masharti mawili ya kulihahalisha: Kukatika kwa damu na kuoga kutokana nayo. Na pindi damu ilipokatika, sharti la kwanza likaondoka na likabaki la pili, ndiyo maana akasema. “Na wakishajisafisha” yani watakapooga, “basi waendeeni namna alivyowaamrisha Mwenyezi Mungu.” Yani katika uke, sio kwa tupu yao ya nyuma, kwa sababu hapo ndipo mahali pa kulima. Na kuna ushahidi juu ya uwajibu wa kuoga kwa mwanamke aliye katika hedhi, na kwamba kukatika kwa damu ndiko sharti la usahihi wake. Na kwa kuwa katazo hili lilikuwa ni upole wake Mola Mtukufu kwa waja wake, na kuwatunza dhidi ya madhara, akasema Mwenyezi Mungu Mtukufu. “Hakika, Mwenyezi Mungu huwapenda wanaotubu.” Yani kutokana na dhambi zao kwa daima, “na huwapenda wanaojisafisha.” Yani wale wanaojiepusha na dhambi. Na hilo linajumuisha kujisafisha kwa kihisia kutokana na najisi na hadathi. Basi ndani yake kuna sheria ya kujisafisha kwote. Kwa sababu Mwenyezi Mungu Mtukufu anampenda mwenye kusifika kwa hilo. Na ndiyo maana kujisafisha ni sharti la usahihi wa swala na kuizunguka Al-Ka’ba, na kuruhusika kuugusa Msahafu. Na kunajumuisha kujisafisha kwa kimaana kutokana na maadili maovu, na sifa mbaya, na matendo yenye kudharauliwa.