Al-A'raaf
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَلِلَّهِ ٱلْأَسْمَآءُ ٱلْحُسْنَىٰ فَٱدْعُوهُ بِهَا ۖ وَذَرُوا۟ ٱلَّذِينَ يُلْحِدُونَ فِىٓ أَسْمَـٰٓئِهِۦ ۚ سَيُجْزَوْنَ مَا كَانُوا۟ يَعْمَلُونَ 180
{180} Huku ni kubainisha ukubwa wa utukufu wake na upana wa sifa zake, kwamba ana majina mazuri sana. Yaani, ni lake kila jina jema na kanuni yake ni kila jina linaonyesha sifa ya ukamilifu mkubwa; na kwa hivyo yakawa ni mazuri. Kwani ikiwa yangeonyesha kitu kisichokuwa sifa, bali yangekuwa jina la kipekee tu, basi hayangekuwa mazuri. Na vile vile ikiwa yangeonyesha sifa ambayo si sifa ya ukamilifu, bali ima sifa ya upungufu au sifa inayogawanyika katika sifa na shutuma, basi hayangekuwa mazuri. Kwa hivyo, kila jina katika majina yake linaonyesha sifa nzima ambayo inatokana nayo, na kujumuisha maana yake yote, na hilo ni kama vile: "Mwenye kujua vyema" linaashiria kwamba Yeye ana elimu inayozunguka, yenye kujumuisha kila kitu, kwa hiyo haitoki katika elimu yake hata uzito wa chembe katika ardhi wala katika mbingu. Na "Mwenye kurehemu" ambayo inaashiria kwamba Yeye ana rehema kubwa, kunjufu juu ya kila kitu. Na "Mwenye uwezo" linaashiria kwamba Ana uwezo wa jumla ambao hakuna kinachoushinda... na mfano wa hayo. Na katika utimilifu wa kuwa ni mazuri ni kwamba mtu haombwi isipokuwa kwayo, na ndiyo maana akasema: "Basi muombeni kwayo." Na hili linajumuisha dua ya ibada na dua ya kuomba kupewa kitu. Kwa hivyo, anaombwa katika kila ombi kwa kile kinacholifaa ombi hilo. Kwa hivyo mwombaji atasema, kwa mfano, “Ee mwenyezi Mungu! Nisitirie dhambi, na unirehemu. Hakika Wewe ndiye Mwenye kusitiri dhambi, Mwenye kurehemu. Na unikubalie toba, ewe Mwenye kukubali toba! Na uniruzuku, ewe Mwenye kuruzuku. Na unifanyie upole, ewe Mpole!” Na mfano wa hayo. Na kauli yake: "Na waacheni wale wanaopindukia mipaka katika majina yake. Watakuja lipwa yale waliyokuwa wakiyatenda." Yaani, adhabu na mateso kwa sababu ya kupindukia kwao mipaka katika majina yake. Na uhakika wa kupindukia mipaka ni kuyaondoa kutoka kwa kile yaliyokusudiwa, ima kwa kumwita kwao yule asiyeyastahiki, kama vile washirikina walivyowaita miungu yao kwayo, au kwa kuzikanusha maana zake na kuzipotosha, na kuyapa maana ambazo Mwenyezi Mungu hakuzikusudia wala Mtume wake, au kwa kuzifananisha na kitu kingine. Kwa hivyo la wajibu ni kutahadhari kupindukia mipaka ndani yake, na kutahadhari wale wapindukiao mipaka ndani yake. Na imethibiti katika hadithi Swahih kutoka kwa Nabii -rehema na amani za Mwenyezi Mungu zimshukie, “Hakika Mwenyezi Mungu ana majina tisini na tisa. Mwenye kuyadhibiti, ataingia Peponi.”