Al-Fath
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
سَيَقُولُ ٱلْمُخَلَّفُونَ إِذَا ٱنطَلَقْتُمْ إِلَىٰ مَغَانِمَ لِتَأْخُذُوهَا ذَرُونَا نَتَّبِعْكُمْ ۖ يُرِيدُونَ أَن يُبَدِّلُوا۟ كَلَـٰمَ ٱللَّهِ ۚ قُل لَّن تَتَّبِعُونَا كَذَٰلِكُمْ قَالَ ٱللَّهُ مِن قَبْلُ ۖ فَسَيَقُولُونَ بَلْ تَحْسُدُونَنَا ۚ بَلْ كَانُوا۟ لَا يَفْقَهُونَ إِلَّا قَلِيلًا 15
{15} Mwenyezi Mungu Mtukufu alipowataja wale walioachwa nyuma na akawakashifu, akataja kuwa miongoni mwa adhabu zao za kidunia ni kwamba Mtume – rehema na Amani zimshukie – na maswahaba wake wanapotoka kwenda kuchukua ngawira bila ya kupigana vita, hao wanawaomba kwamba waandamane nao na washiriki pamoja nao, na wanasema: "Tuacheni tukufuateni!'' Kwa kufanya hivyo, “wanataka kuyabadili maneno ya Mwenyezi Mungu” ambapo alikuwa amehukumu kwamba wataadhibiwa na kwamba ngawira hizo ni za Maswahaba Waumini tu, kisheria na kulingana na mipango ya Mwenyezi Mungu. ''Sema'' ukiwaambia wao: ''Hamtatufuata kabisa. Mwenyezi Mungu alikwisha sema hivi zamani,'' kwamba hamtapewa ngawira hizo kwa sababu ya yale mliyoyafanya wenyewe na kwa kuwa mlikataa kupigana vita mara ya kwanza. ''Hapo watasema" wakiyajibu maneno haya ambayo walizuiliwa kwayo kutoka: ''Bali nyinyi mnatuhusudu" juu ya ngawira! Huu ndio upeo wa elimu yao katika jambo hili, lakini lau kuwa wangelifahamu usawa wa jambo lao hili, wangejua kwamba kunyimwa kwao huku kulikuwa kwa sababu ya uasi wao, na kwamba maasia yana adhabu za kidunia na za kidini, na ndiyo maana akasema: ''Sivyo, bali walikuwa hawafahamu ila kidogo."