As-Saaffaat
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
إِنَّ هَـٰذَا لَهُوَ ٱلْبَلَـٰٓؤُا۟ ٱلْمُبِينُ 106
{106} "Hakika haya" tuliyomtahini kwayo Ibrahim, amani iwe juu yake, "ndiyo majaribio yaliyo dhahiri," ambayo kwayo ulibainika utakaso wa Ibrahim, ukamilifu wa mapenzi yake kwa Mola wake Mlezi na kwamba ni rafiki wake mwandani. Kwa maana, Mwenyezi Mungu alipomtunuku Ibrahim mwana huyu Ismail, rehema na amani ziwe juu yake, akampenda sana ilhali Ibrahim alikuwa ndiye rafiki mwandani wa Mwingi wa Rehema, ambayo ndiyo daraja ya juu kabisa ya mapenzi na ambayo ni nafasi isiyokubali ushirika kiasi kwamba sehemu zote za moyo zinapaswa kushikamana na mpendwa tu. Basi pindi sehemu moja katika sehemu za moyo wake ziliposhikamana na mwanawe Ismail,Mwenyezi Mungu Mtukufu akataka kuutakasa upendo wake na kuujaribu urafiki wake wa ndani huu. Kwa hivyo akamuamuru amchinje yule ambaye mapenzi yake kwake yalishindana na mapenzi yake kwa Mola wake Mlezi. Na alipoyatanguliza mapenzi ya Mwenyezi Mungu na kuyapendelea kuliko matamanio yake na akaazimia kumchinja, mashindano hayo ya moyoni mwake yakaondoka, basi kukawa kuchinja huko hakuna faida. Ndiyo maana akasema: "Hakika haya ni majaribio yaliyo dhahiri."