Al-Baqara
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَٱلَّذِينَ كَفَرُوا۟ وَكَذَّبُوا۟ بِـَٔايَـٰتِنَآ أُو۟لَـٰٓئِكَ أَصْحَـٰبُ ٱلنَّارِ ۖ هُمْ فِيهَا خَـٰلِدُونَ 39
(39) Na vile vile, kukanusha upotovu na uovu juu ya mwenye kufuata uwongofu wake. Na viwili hivi visipokuwepo, basi kinyume chake kinathibiti, nao ni uwongofu na kufaulu. Hivyo basi, mwenye kufuata uwongofu wake, atapata amani na kufaulu duniani na akhera, na uwongofu, na akaepuka kila yanayochukiza kama hofu, huzuni, upotovu, uovu, basi akapata kinachopendeza, na akaepuka kinachohofiwa. Na huyu ni kinyume cha mwenye kutofuata uongofu wake, akaukufuru na akakadhibisha aya zake. Basi hao ndio watakaokuwa wenza wa Moto. Yani watakaokaa pamoja nao kama vile mwenza anavyokaa pamoja na mwenza wake, na mdaiwa na mdai wake “humo watadumu.” Hawatatoka nje yake wala adhabu haitawaisha, na wala hawatasaidiwa. Na katika aya hizi na mfano wake, kuna kugawanyika kwa viumbe: Majini na wanadamu katika wale kufaulu na wale wa kuhasiri. Na ndani yake kuna sifa za makundi haya mawili na matendo yanayosababisha hayo. Na kwamba majini ni kama wanadamu katika malipo na adhabu, kama walivyo sawa katika amri na makatazo.