Al-Baqara
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَقُلْنَا يَـٰٓـَٔادَمُ ٱسْكُنْ أَنتَ وَزَوْجُكَ ٱلْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَـٰذِهِ ٱلشَّجَرَةَ فَتَكُونَا مِنَ ٱلظَّـٰلِمِينَ 35
(35) Mwenyezi Mungu alipomuumba Adam na akamfanya kuwa bora, akakamilisha neema zake juu yake; kwamba alimuumba kutokana naye mke; ili akae naye kwa utulivu na usuhuba. Akawaamrisha waishi Peponi, na wale humo raghadan (yani kwa upana maridhawa) “popote mpendapo” yani katika aina mbalimbali za thimaar (mazao) na matunda. Na Mwenyezi Mungu akamwambia: “Hakika humo hutakuwa na njaa wala hutakuwa uchi. Na hakika, hutapata kiu humo wala hutapata joto.” “Lakini msiukaribie mti huu tu;” aina moja katika aina za miti ya Peponi. Mwenyezi Mungu ndiye anayeujua zaidi. Lakini aliwakataza mti huo ili kuwapa mtihani na majaribio au kwa sababu ya hekima tusiyoijua. “Mkawa katika wale waliodhulumu.” Inaonyesha kwamba huko kukataza kulikuwa kwa kuharamisha, kwa sababu alikufungamanisha na dhuluma. Basi adui yao hakuacha kuwashawishi, na kuwapambia kula kile walichokatazwa, mpaka akawatelezesha kwa kuwapambia. “Naye akawaapia” kwa jina la Mwenyezi Mungu. “Kwa yakini, mimi ni miongoni mwa wanaokusihini.”