Al-Baqara
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَمَآ أَنفَقْتُم مِّن نَّفَقَةٍ أَوْ نَذَرْتُم مِّن نَّذْرٍ فَإِنَّ ٱللَّهَ يَعْلَمُهُۥ ۗ وَمَا لِلظَّـٰلِمِينَ مِنْ أَنصَارٍ 270 إِن تُبْدُوا۟ ٱلصَّدَقَـٰتِ فَنِعِمَّا هِىَ ۖ وَإِن تُخْفُوهَا وَتُؤْتُوهَا ٱلْفُقَرَآءَ فَهُوَ خَيْرٌ لَّكُمْ ۚ وَيُكَفِّرُ عَنكُم مِّن سَيِّـَٔاتِكُمْ ۗ وَٱللَّهُ بِمَا تَعْمَلُونَ خَبِيرٌ 271
{270 - 271} Mola Mtukufu anajulisha kwamba chochote watoacho cha matumizi wenye kutoa, au sadaka watoayo wenye kutoa sadaka, au nadhiri wawekayo wenye kuweka nadhiri; basi hakika Mwenyezi Mungu anajua hilo. Na maudhui ya kujulisha kuhusu elimu yake yanaashiria malipo. Na kwamba Mwenyezi Mungu haupotei uzito wa chembe kwake. Na anajua nia gani nzuri au mbaya iliyotoka kwake. Na kwamba madhalimu wanaozuia yale aliyowawajibishia Mwenyezi Mungu au wanaoingia katika yale aliyowaharamishia; wao hawana kando na Yeye wasaidizi wowote wa kuwasaidia na kuwazuia. Na kwamba ni lazima adhabu ziwashukie. Na alijulisha kwamba ikiwa mwenye kutoa sadaka akiidhihirisha, basi hiyo ni bora. Na akiificha na akaikabidhi kwa fakiri, basi linakuwa bora zadi. Kwa sababu, kumpa masikini kwa kuficha ni wema mwingine. Na pia inaonyesha nguvu ya ikhlasi. Na mmoja wa wale saba ambao Mwenyezi Mungu atawatia katika kivuli chake, ni yule anayetoa sadaka na akaificha; mpaka mkono wake wa kushoto hukujua kile ambacho mkono wake wa kulia ulitoa. Na katika kauli yake: "Na mkiificha na mkawapa mafakiri kwa siri, basi hivyo ni heri kwenu," kuna faida nzuri. Nayo ni kwamba ukimpa fakiri, kuificha (sadaka) ni bora kuliko kuidhihirisha . Lakini ikiwa itatumika katika mradi wa hisani, basi hakuna katika aya chenye kuonyesha ubora katika kukificha. Bali, hapa misingi ya sheria inaonyesha kuzingatia masilahi. Kwa maana, pengine kuidhihirisha kukawa bora ili kuwe kielelezo na kuhamasisha nafsi juu ya kufanya matendo mema. Na kauli yake: "Na atawafutia katika maovu yenu." Kuna kwamba katika sadaka yanajumuika mambo mawili ndani yake: Kupatikana kwa heri, ambayo ni wingi wa mema na thawabu na malipo. Na kuepusha shari na balaa ya kidunia na kiakhera kwa kufuta maovu. "Na Mwenyezi Mungu ana habari ya mnayoyatenda." Kwa hivyo atamlipa kila mmoja kulingana na hekima yake.