Al-Baqara
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَإِذَا تَوَلَّىٰ سَعَىٰ فِى ٱلْأَرْضِ لِيُفْسِدَ فِيهَا وَيُهْلِكَ ٱلْحَرْثَ وَٱلنَّسْلَ ۗ وَٱللَّهُ لَا يُحِبُّ ٱلْفَسَادَ 205
“Na akishageuka akaenda,” huyo ambaye kauli yake hukupendeza anapokuwa pamoja nawe; “anazunguka katika ardhi ili afanye humo ufisadi.” Yani anajitahidi kufanya maasia ambayo ni kufanya uharibifu katika ardhi, “na anaharibu” kwa sababu ya hilo “mimea na viumbe”. Kwa hivyo, mimea, matunda na mifugo vinaharibika na vinapunguka na baraka zake zinakuwa chache kwa sababu ya matenddo yake. “Na Mwenyezi Mungu hapendi ufisadi.” Na kama hapendi ufisadi, basi yeye humchukia mja anayefanya ufisadi katika ardhi kuchukia kukubwa, hata akisema kwa ulimi wake maneno mema. Katika Aya hii, kuna dalili ya kwamba maneno yanayotoka kwa watu siyo ushahidi wa ukweli wala uwongo, wala wema wala upotovu; mpaka yapatikane matendo na yanayoyasadikisha, yenye kuyatakasa, na kwamba ni lazima kupima hali ya mashahidi. Na aliye katika haki na aliye katika batili miongoni mwa watu, kwa kuchunguza matendo yao yote, na kuangalia yale yanayofungamana na hizo hali zao. Na kwamba mtu asidanganyike na kujionyesha kwao na kujitakasa kwao nafsi zao. Kisha akataja kwamba mharibifu huyu katika ardhi kwa kumuasi Mwenyezi Mungu anapoamrishwa kumcha Mwenyezi Mungu, anafanya kiburi na ukaidi.