Al-Hijr
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
إِنَّ فِى ذَٰلِكَ لَـَٔايَةً لِّلْمُؤْمِنِينَ 77
{77} "Hakika katika hayo ipo ishara kwa Waumini." Basi katika kisa hiki kuna mazingatio mbalimbali. Kujali kukubwa kwake Yeye Mtukufu juu ya mwandani wake, Ibrahim. Kwa maana, Lut' - amani iwe juu yake - alikuwa katika wafuasi wake na wale waliomwamini, na ni kana kwamba alikuwa mwanafunzi wake. Kwa hivyo, wakati Mwenyezi Mungu alitaka kuwaangamiza kaumu ya Lut' walipostahiki hilo, aliwaamuru wajumbe wake kwamba wapitie kwa Ibrahim - amani iwe juu yake - ili wambashirie kupata mwana, na kile walichomtuma kufanya, kiasi kwamba yeye amani iwe juu yake akaanza kujadiliana nao kuhusu kuwaangamiza watu wa Lut', hadi walipomshawishi, kwa hivyo nafsi yake ikatulia. Na vile vile Lut' - amani iwe juu yake - walipokuwa ni watu wa mji wake, huenda ikamchukua huruma juu yao, kwa hivyo Mwenyezi Mungu akaweka sababu za kuipandisha juu hasira yake dhidi yao, hadi akaona kuko mbali kuangamizwa kwao alipoambiwa, "Hakika miadi yao ni asubuhi. Je, asubuhi si karibu?" Na miongoni mwake ni kwamba Mwenyezi Mungu Mtukufu anapotaka kuuangamiza mji, huongeza uovu wao na upotovu wao. Basi anapomaliza, anawafikishia adhabu wanayostahiki.