Al-Hijr
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
لَّوْ مَا تَأْتِينَا بِٱلْمَلَـٰٓئِكَةِ إِن كُنتَ مِنَ ٱلصَّـٰدِقِينَ 7 مَا نُنَزِّلُ ٱلْمَلَـٰٓئِكَةَ إِلَّا بِٱلْحَقِّ وَمَا كَانُوٓا۟ إِذًا مُّنظَرِينَ 8
{7 - 8} "Kwa nini usituletee Malaika" ili wakushuhudilie juu ya usahihi wa yale uliyokuja nayo, "ikiwa wewe ni miongoni mwa wakweli?" Kwa hivyo, pindi hukuleta malaika, basi wewe si mkweli. Na hili ni katika dhuluma kubwa zaidi na ujinga. Ama kuhusu dhuluma yao, hilo liko dhahiri. Kwa maana, hili ni kuthubutu kumpendekezea Mwenyezi Mungu kuleta ishara ambazo hakuchagua Yeye, na kumfanyia ukaidi, na ilhali makusudio na uthibitisho tayari ulikwisha patikana kwa zisizokuwa hizo wazitakazo miongoni mwa ishara nyingi zinazoonyesha usahihi wa yale aliyokuja nayo. Na ama ujinga wao, hilo ni kwamba hawakujua yenye masilahi yao na madhara yao. Kwa maana hakuna heri yoyote kwao katika kuwateremsha Malaika. Bali Mwenyezi Mungu hawateremshi Malaika isipokuwa kwa haki, ambapo hawezi pewa muhula yeyote ambaye hakuifuata na kujisalimisha kwayo. "Na hapo hawatapewa muhula;" yaani, wakati malaika watakapoteremka ikiwa hawakuamini na wala hawataamini. Basi kukawa kuitisha kwao kwamba malaika wateremshwe ni kujiharakishia wenyewe maangamio na maharibifu. Kwani, kuamini hakuko mikononi mwao, bali kuko mikononi mwa Mwenyezi Mungu. "Na lau kuwa tungeliwateremshia Malaika, na maiti wakawazungumzisha, na tukawakusanyia kila kitu mbele yao, bado wasingeliamini, isipokuwa Mwenyezi Mungu atake. Lakini wengi wao wamo ujingani."