Ibrahim
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَلَقَدْ أَرْسَلْنَا مُوسَىٰ بِـَٔايَـٰتِنَآ أَنْ أَخْرِجْ قَوْمَكَ مِنَ ٱلظُّلُمَـٰتِ إِلَى ٱلنُّورِ وَذَكِّرْهُم بِأَيَّىٰمِ ٱللَّهِ ۚ إِنَّ فِى ذَٰلِكَ لَـَٔايَـٰتٍ لِّكُلِّ صَبَّارٍ شَكُورٍ 5
{5} Yeye Mtukufu anajulisha kwamba alimtuma Musa na ishara zake kubwa zinazoonyesha ukweli na usahihi wa yale aliyokuja nayo, na akamuamrisha yale aliyomuamrisha Mwenyezi Mungu Mtume wake Muhammad - rehema na amani za Mwenyezi Mungu ziwe juu yake; - bali yale Mitume wote waliwaamrisha kaumu zao. "Watoe kaumu yako kwenye giza mbalimbali hadi kwenye nuru;" yaani, giza la ujinga, ukafiri na matawi yake hadi katika nuru ya elimu, imani na matawi yake. "Na wakumbushe siku za Mwenyezi Mungu;" yaani, neema zake juu yao na wema wake kwao. Na siku zake pia katika umma waliokadhibisha na matukio yake dhidi ya makafiri, ili washukuru neema zake na watahadhari adhabu yake. "Hakika katika hayo;" yaani, katika siku za Mwenyezi Mungu juu ya waja wake, "zipo ishara kwa kila mwenye kusubiri sawasawa, mwenye kushukuru sana." Yaani, mwenye kusubiri katika dhiki, ugumu, taabu, mwenye kushukuru sana juu ya nyakati nzuri na neema. Kwa maana siku zake zinatumika kama ushahidi juu ya ukamilifu wa uwezo wake, na ujumla wa wema wake, na ukamilifu wa uadilifu wake na hekima yake.