At-Tawba

إِلَّا تَنفِرُوا۟ يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلَا تَضُرُّوهُ شَيْـًٔا ۗ وَٱللَّهُ عَلَىٰ كُلِّ شَىْءٍ قَدِيرٌ ৩৯

{39} Kisha akaahidi adhabu ikiwa hawatoki kwenda katika vita, kwa hivyo akasema: "Kama hamuendi, atawaadhibu adhabu chungu" katika dunia na Akhera. Kwani kutotoka wakati wa hali ya kuitwa kutoka ni miongoni mwa madhambi makubwa ambayo yanasababisha adhabu kali zaidi, Kwa sababu ya madhara makubwa yaliyo ndani yake. kwa maana mwenye kubakia nyuma amemuasi Mwenyezi Mungu Mtukufu, na akafanya makatazo yake, na hakusaidia katika kuinusuru Dini ya Mwenyezi Mungu, wala hakukitetea Kitabu cha Mwenyezi Mungu na sheria yake, wala hakuwasaidia ndugu zake Waislamu dhidi ya adui yao ambaye anataka kuwaangamiza na kuifutilia mbali dini yao, na huenda akamuiga asiyekuwa yeye miongoni mwa madhaifu wa imani; bali pengine akawadhoofisha wale wanaopigana jihadi dhidi ya maadui wa Mwenyezi Mungu. Basi anastahili yule ambaye hali yake ni hii kwamba Mwenyezi Mungu amuahidi ahadi ya adhabu kali, ndiyo akasema, "Kama hamuendi, atawaadhibu adhabu chungu, na atawabadilisha na kaumu wasiokuwa nyinyi" nao hawatakuwa mfano wenu. "Wala nyinyi hamtamdhuru chochote" kwani Yeye Mtukufu alichukua jukumu la kuinusuru dini yake na kuliinua neno lake; basi ni sawa ikiwa mtatekeleza amri ya Mwenyezi Mungu au muitupe nyuma yenu kwenye migongo. "Na Mwenyezi Mungu ni Muweza wa kila kitu." Hakimshindi kitu chochote anachotaka, wala hakuna yeyote wa kumshinda.