At-Tur

وَٱلْبَيْتِ ٱلْمَعْمُورِ ৪

{4} "Na kwa Nyumba iliyojengwa." Nayo ni Nyumba iliyo juu ya mbingu ya saba inayokaliwa daima na Malaika watukufu, ambayo huingiwa na Malaika elfu sabini kila siku, wakimuabudu humo Mola wa Mlezi, kisha hawarudi humo mpaka Siku ya Kiyama. Na imesemekana kwamba Al-Bayt Al-Ma'mur ni nyumba Tukufu ya Mwenyezi Mungu (ya Makka), ambayo hujawa na wanaozunguka Tawafu, wanaoswali , na wanaomtaja Mola kila wakati, na wanaomjia kwa ajili ya Hija na Umra. Kama vile Mwenyezi Mungu alivyoapa kwayo katika kauli yake: "Na kwa mji huu wenye amani!" Basi inafilia zaidi kuapiwa na kubainishwa ukuu wake unaoifailia na utukufu wake nyumba iliyo bora kabisa miongoni mwa nyumba zilizo katika ardhi - ambayo wanaikusudia watu kwa ajili ya kufanya Hija na Umra, mojawapo ya nguzo za Uislamu na majengo yake makubwa, ambayo haukamiliki Uisilamu bila ya hiyo, na ndiyo iliyojengwa na Ibrahim na Ismail, na Mwenyezi Mungu akapafanya ni pahali pa kukusanyikia watu na pahala pa amani.