Al-Muminoon

ٱلَّذِينَ هُمْ فِى صَلَاتِهِمْ خَـٰشِعُونَ ২

{2} Wale ambao katika sifa zao kamilifu ni kwamba wao, "ni wanyenyekevu katika Swala zao." Na kunyenyekea katika Swala ni kuwepo kwa moyo mbele ya Mwenyezi Mungu Mtukufu, na ukawa unatilia maanani ukaribu wake Mwenyezi Mungu, kwa hivyo ukawa moyo wake unatulia kwa sababu ya hilo, na nafsi yake ikawa imetua, na harakati zake zikawa zimetulia, na kukapunguka kugeukageuka kwake, akawa na adabu nzuri mbele ya Mola wake Mlezi, akawa anayatilia maanani yote anayosema na kufanya katika Swala yake kuanzia mwanzo wake hadi mwisho wake. Kwa hivyo zinaondoka kwa hayo wasiwasi na mawazo mabaya. Na hii ndiyo roho ya swala na makusudio yake. Nayo ndiyo anayoandikwa mja. Kwa maana swala ambayo haina unyenyekevu ndani yake wala uwepo wa moyo, hata kama inatosheleza, na inalipwa thawabu, lakini thawabu hizo ni kulingana na kile ambacho moyo unaelewa kwayo.