Taa-Haa

طه ১ مَآ أَنزَلْنَا عَلَيْكَ ٱلْقُرْءَانَ لِتَشْقَىٰٓ ২

{1 - 2} Neno "Taha" ni miongoni mwa herufi za mkato zilizofunguliwa kwazo sura nyingi, na si jina la Nabii - rehema na amani za Mwenyezi ziwe juu yake. "Hatukukuteremshia Qur-ani ili upate mashaka." Yaani, makusudio yetu katika ufunuo na kukuteremshia Qur-ani juu yako na kukuwekea sheria si ili upate mashaka kwa hayo, na tena si kuweka katika sheria majukumu yenye uzito juu ya waliojukumishwa kisheria, na watendaji wakashindwa nguvu ya kuyatenda. Lakini Ufunuo, Qur-an, na sheria aliviweka hivyo Yeye Mwingi wa kurehemu, Mwingi wa Rehema, na akavifanya viwe ni vya kufikisha katika furaha, kufanikiwa na kufaulu, na akavifanya kuwa rahisi zaidi. Na akarahisisha njia zake na milango yake yote, na akavifanya kuwa chakula cha mioyo na roho, na mapumziko kwa miili. Kwa hivyo, maumbile ya asili yaliyo salama, na akili nyoofu zikavipokea kwa kuvikubali na kutii, kwa kuwa zilijua kwamba vina heri ndani yake katika dunia na Akhera.