Al-Baqara

فَإِنْ خِفْتُمْ فَرِجَالًا أَوْ رُكْبَانًا ۖ فَإِذَآ أَمِنتُمْ فَٱذْكُرُوا۟ ٱللَّهَ كَمَا عَلَّمَكُم مَّا لَمْ تَكُونُوا۟ تَعْلَمُونَ ২৩৯

{239} Na kauli yake, "na mkiwa na hofu" kimefutwa kinachohofiwa; ili (Aya) ienee hofu ya adui na mnyama mwitu na kupotea kwa yale ambayo mja atadhurika kwa kupotea kwake. Basi swalini, "hali ya kuwa mnakwenda kwa miguu au mmepanda" juu ya farasi, ngamia na vipando vinginevyo. Na katika hali hii haimlazimu (mtu) kuelekea kibla. Basi hii ndiyo namna (sifa) ya swala ya mwenye udhuru ya hofu. Na amani itakapotokea, ataswali swala kamili. Na inaingia katika kauli yake, "na mtakapokuwa katika amani, basi mkumbukeni Mwenyezi Mungu," kuzikamilisha swala. Na inaingia humo pia kumkumbuka Mwenyezi Mungu kwa wingi kwa kumshukuru juu ya neema ya amani, na juu ya neema ya kufundisha (waja) yale ambayo yana furaha ya mja ndani yake. Na katika Aya hii tukufu, kuna fadhila ya elimu. Na kwamba yule ambaye Mwenyezi Mungu amemfundisha yale ambayo hakuwa anayajua amkumbuke Mwenyezi Mungu kwa wingi. Na pia ndani yake kuna kujulisha ya kwamba kumkumbuka kwa wingi ni sababu ya kufundishwa elimu zingine. Kwa sababu, kushukuru kumefungamanishwa na kuzidishiwa. Kisha yeye Mtukufu akasema: